सेल्फी खिच्ने क्रममा नदीले बगाएर एमबीबीएस अध्ययनरत युवक वेपत्ता

धनकुटा- सेल्फी खिच्ने क्रममा धनकुटास्थित तमोर नदीले बगाएर एक जना एमबीबीएस अध्ययनरत युवक वेपत्ता भएका छन्।

धनकुटा नगरपालिका–९ मुलघाटमा तमोर नदी किनारमा सेल्फी खिच्ने क्रममा शनिबार दिउसो नदीले बगाएर भारतीय नागरिक विनित कुमार वेपत्ता भएका हुन्।

जिल्ला प्रहरी कार्यालय धनकुटाका प्रमुख एसपी सुर्दशन प्रसाद कोइरालाले साथीहरुसँग घुम्न गएको बेला नदी छेउमा पानीमा खुट्टा डुवाएर सेल्फी खिच्ने क्रममा उनी वेपक्ता भएको जानकारी दिए।

विनित भारतको बिहार राज्यको पूर्णिया घर भई विराटनगरमा रहेको नोबेल मेडिकल कलेजमा एमबीबीएस पाँचौ वर्षमा अध्ययनरत रहेको खुलेको कोइरालाले जानकारी दिए। उनको उमेर खुलेको छैन।

नदीले बगाएर बेपत्ता भएका कुमारको स्थानीयवासी, नेपाल प्रहरी र सशस्त्र प्रहरीको टोलीले खोजी कार्य गरीरहेको प्रहरीले जनाएको छ।