काठमाडौं– बालुवाटारस्थित ललिता निवास जग्गा किनबेच प्रकरणमा विशेष अदालतले नेपाली कांग्रेसका उपसभापति विजयकुमार गच्छदारसहित ७४ जनालाई अदालतमा उपस्थित हुन १५ दिने म्याद जारी गरेको छ। तर, ५ दिनसम्ममा काेही पनि अदालतमा उपस्थित भएका छैनन्।
७४ जनालाई अदालतमा उपस्थित हुन १५ दिने म्याद जारी गरिएको विशेष अदालतका प्रवक्ता पुष्पराज पाण्डेयले जानकारी दिए। उनीहरुविरुद्ध गत फागुन १९ गते म्याद जारी गरिएको पाण्डेले बताए। बिहीबारसम्म कोही पनि उपस्थित नभएको अदालतले जानकारी दिएको छ।
अख्तियार दुरुपयोग अनुसन्धान आयोगले गच्छदारसहित १७५ जनाविरुद्ध विशेष अदालतमा आरोपपत्र दायर गरेको थियो ।
ललिता निवास प्रकरणमा पूर्वमन्त्रीद्वय डम्बर श्रेष्ठ, छविराज पन्त, आयोगका पूर्वप्रमुख आयुक्त दीप बस्न्यातलाई पनि विशेष अदालतले १५ दिने म्याद जारी गरेको अख्तियारले गत माघ २२ गते पूर्वउपप्रधानमन्त्री गच्छदारसहित १७५ जना विरुद्ध विशेष अदालतमा मुद्दा दायर गरेको थियो।