भक्तपुर– भक्तपुरबाट प्रहरीले जुवा खेलिरहेको अवस्थामा ६ लाखभन्दा बढी नगदसहित ३ जनालाई पक्राउ गरेको छ।
भक्तपुर नगरपालिका–९ ब्रम्हायणी टाउन प्लानिङ बस्ने डाईमण्ड कासीहवाको घरमा तास खेलिरहेको अवस्थामा ३ जनालाई नगद ६ लाख २८ हजार ६ सय ६५ रुपैयाँसहित पक्राउ गरेको प्रहरीले जनाएको छ।
पक्राउ पर्नेहरुमा घरधनी कासिहवा, चाँगुनारायण नगरपालिका–८ सुडाल घर भएका ४० वर्षीय राम सुन्दर खड्का र सोही ठाउँस्थित झौखेल घर भएका ४५ वर्षीय प्रकाश थापा रहेका छन्। महानगरीय प्रहरी वृत्त जगातीबाट खटिएको प्रहरीले उनीहरुलाई पक्राउ गरेको हो।