मोटरसाइकलको ट्यांकीमा ८ किलो चाँदी

बाँके– बाँकेबाट प्रहरीले ८ किलोग्राम भन्दा बढी चाँदीसहित एक भारतीय नागरिकलाई पक्राउ गरेको छ।

नेपालगंज उपमहानगरपालिका–१० गोसाईगाउँबाट भारत बहराईचका २७ वर्षीय अलिम सलमानिलाई ८ किलो ३ सय ७६ ग्राम चाँदीसहित प्रहरीले पक्राउ गरेको जनाएको छ।

वडा प्रहरी कार्यालय नेपालगंजबाट खटिएको प्रहरीले सलमानिले चलाएको यूपी ३२ जेपी ३८८८ नम्बरको मोटरसाइकल जाँच गर्दा मोटरसाइकलको ट्याङ्कीभित्र लुकाई छिपाई राखेको अवस्थामा उक्त चाँदी फेला परेको प्रहरीले जनाएको छ।

उक्त चाँदी सुनचाँदी ब्यवसायी संघ बाँकेमा परीक्षण गराउँदा २ किलो ७ सय २० ग्राम मात्र शुद्ध चाँदी रहेको पाइएको प्रहरीले जनाएको छ।