मंगलबार, जेठ १३, २०७७

समाज
1588734786electricity_supply.png

काठमाडौं– लकडाउनले आर्थिक गतिविधि ठप्प भएपछि विद्युतको माग घटेको छ।

उत्पादनभन्दा माग कम भएपछि थुप्रै आयोजना कम क्षमतामा सञ्चालन गरिएका छन्।

सामान्य अवस्थामा पिक आवरमा एक हजार १ सय मेगावाट माग हुने गरेकोमा अहिले ७ सय मेगावाट हाराहारीमा झरेको छ।

यो वर्ष पानी परिरहेका कारण निजी क्षेत्रका आयोजनाले मात्रै पाँच सय मेगावाट विद्युत् उत्पादन क्षमता राख्छन्। तर, माग घटेपछि निजी आयोजनाबाट तीन सय मेगावाट मात्र उत्पादन भइरहेको छ।

मागभन्दा उत्पादन बढी भइरहे पनि छिनछिनमा बत्ती किन काटिन्छ? नेपाल विद्युत प्राधिकरणका प्रवक्ता प्रवल अधिकारी मौसमको प्रतिकुलताले विद्युत वितरण प्रणालीमा असर पारेपछि बत्ती जाने बताउँछन्।

“प्रसारण लाइनको एउटा बाटोमा अवरोध आउँदा त्यसले समेट्ने सबै क्षेत्रमा बत्ती जान्छ,” उनी भन्छन्, “वैकल्पिक प्रणाली नभएकोले त्यसको मर्मत नहुन्जेल अर्को व्यवस्था गर्न सकिंदैन।”

अधिकारी भन्छन्, “अहिले विशेषगरी हावाहुरी र चट्याङले चपुर–पतलैया–हटौडा प्रसारण लाइन खण्डमा बढी असर परेको देखिन्छ।”

विद्युतको पहुँच विस्तारसँगै संरचनागत सुधार र गुणस्तरमा प्राधिकरण प्रतिबद्ध भएर लागेको अधिकारीको भनाइ छ।

प्रतिक्रिया दिनुहोस्