काठमाडौं– जारी एसीसी इस्टर्न रिजन टी–२० क्रिकेट प्रतियोगिताअन्तर्गत नेपालले थाइल्यान्डका सुरुवाती दुई ब्याट्सम्यानलाई आउट गरेको छ।
टस जितेर पहिले ब्याटिङ गरिरहेको थाइल्यान्डले २.४ ओभरमा ८ रनको स्थितिमा दुई विकेट गुमाएको हो।
खेलको १.५ ओभरमा करन केसीले थाइल्यान्डका प्रारम्भिक ब्याट्सम्यान नाभिद पठानलाई ८ रनमा आउट गरे। उनले पठानलाई अभिनास बोहराद्वारा क्याच आउट गराए।
यस्तै, अर्का प्रारम्भिक ब्याट्सम्यान डानिल जाकोभ्स भने खाता नै नखोली आउट भए। उनलाई दीपेन्द्र सिंह ऐरी रनआउट गरे।
नेपालले प्रतियोगिताको तेस्रो खेलका रूपमा थाइल्यान्डसँग प्रतिस्पर्धा गरिरहेको छ। यसअघि नेपाल प्रतियोगिताका दुई खेलमा पराजित भएको थियो।