काठमाडौं- मिर्गौला प्रत्यारोपणका लागि त्रिवि शिक्षण अस्पताल भर्ना भएका प्रधानमन्त्री केपी ओलीको शल्यक्रिया बुधबार विहान ९ बजेदेखि सुरु हुने भएको छ।
अस्पतालले विभिन्न विषयका विशेषज्ञहरुबाट प्रधानमन्त्रीको स्वास्थ्य परिक्षण गरिएको भन्दै प्रत्यारोपणका लागि आवश्यक औषधिहरु दिन सुरु गरिएको पनि जानकारी दिएको छ।
त्यस्तै प्रत्यारोपण अगाडि गरिने नियमित डायलासिस तथा ल्याव परीक्षण गर्ने क्रम पनि जारी रहेको अस्पतालद्वारा जारी विज्ञप्तिमा उल्लेख छ ।
शिक्षण अस्पतालका प्राध्यापक डा। अरुण सायमीले प्रधानमन्त्री ओलीको मनोवल उच्च रहेको भन्दै ‘अबको एकसातामा क्याबिनेट बैठक चलाउँछु’ भनेको जानकारी दिए।
चिकित्सकहरुका अनुसार प्रत्यारोपणमा कम्तिमा पनि चारघण्टा लाग्ने छ।