बुधबार, मंसिर १०, २०७७

समाचार

खाली ट्रकमा एक करोड भारु नेपाल ल्याउन खोज्ने पक्राउ

1588673996pakrauu.jpg

खाली ट्रकमा नेपाल भित्रिएको एक करोड बढी भारतीय रुपैयाँसहित मोरङमा प्रहरीले २ जनालाई पक्राउ गरेको छ।

भारतको सुपौलबाट नेपाल आएको डब्लूबी ७३ ई ७६७५ नम्बरको खाली ट्रक खानतलासी गर्दा रानीबाट सशस्त्र प्रहरीको टोलीले एक करोड ९ लाख ७९ हजार ५ सय ३० हजार भारतीय रुपैयाँ बरामद गरेको हो।

सशस्त्र प्रहरी प्रवक्ता डीआईजी प्रविणकुमार श्रेष्ठले बरामद रकममध्ये ५ सय दरका २१ हजार ९ सय ५५ थान नोट रहेको र कार्टुनमा राखिएको अवस्थामा भेटिएको जानकारी दिए।

लकडाउनको बेला अत्यावश्यक वस्तुको नाममा उक्त ट्रक भारतबाट भित्रिएको सशस्त्र प्रहरीले जनाएको छ। प्रहरीले ट्रकका चालक र सह–चालकलाई पनि नियन्त्रणमा लिएको जनाएको छ।

लकडाउनको मौका छोपि तस्करले उक्त रकम भित्र्याएको हुन सक्ने प्रहरीले अनुमान गरेको छ।

पक्राउ पर्नेमा चालक रवि कुमार र सहचालक पप्पुकुमार छन्। उनीहरुले बिराटनगरबाट डाइपर लगेर सिलगुडी जाने भनेको डिआइजी श्रेष्ठले जानकारी दिए। बरामद गरिएको रकमसहित सबैलाई भन्सार कार्यालयमा बुझाइने श्रेष्ठले बताए।

 

प्रतिक्रिया दिनुहोस्