काठमाडौं - नेपाल वायुसेवा निगमले जापानको नारितासम्मको नियमित उडान आजदेखि (सोमबार) प्रारम्भ गरेको छ।
राति १ बजेर २५ मिनेटमा त्रिभुवन अन्तर्राष्ट्रिय विमानस्थलबाट उडान भरेको सो विमान आजै दिउँसो ६ बजेर २५ मिनेटमा काठमाडौंमा अवतरण गरेको छ।
नारिता जाँदा २३४ यात्रुहरुले विमानबाट यात्रा गरेको थिए भने फर्कदा २६५ जनाले यात्रा गरे। नारितामा साताको तीन दिन सिधा उडान हुनेछ। एयरबस वाइडबडीबाट गरिने सिधा उडान सोमबार, बुधबार र शुक्रवार हुने निगमले जानकारी दिएको छ।