जडिबुटीमा मोटरसाइकल र स्कुटर ठोक्किदा दोर्जेको मृत्यु

काठमाडौँ- काठमाडौँको जडिबुटीमा मोटरसाइकल र स्कुटर ठोक्किदा एक जनाको मृत्यु भएको छ ।

आइतबार राति बा ७४ प ९०६३ नम्बरको स्कुटर र बा १३ प ४९१४ नम्बरको मोटरसाइकल आपसमा ठोक्किँदा काभ्रे घर भइ नयाँ वानेश्वर बस्दै आएका दोर्जे लामाको मृत्यु भएको प्रहरीले जनाएको छ।

दुर्घटनामा गम्भीर घाइते लामाको उपचारको क्रममा नेपाल मेडिसिटी अस्पतालमा मृत्यु भएको हो।

दुर्घटनामा तीनजना घाइते भएका छन्। घाइतेमध्ये एकजनाको अवस्था गम्भीर रहेको प्रहरीले बताएको छ।