प्रधानमन्त्री केपी शर्मा ओलीले मन्त्रिपरिषदको आकस्मिक बैठक बोलाएका छन्।
मन्त्रिपरिषदका एक सदस्यका अनुसार आज, आइतबार साँझ पाँच बजेका बालुवाटारमा बैठक डाकिएको हो।
मन्त्रिपरिषद्को नियमित बैठक सोमबार बस्ने गरेको भए पनि त्यसदिन प्रधानमन्त्री ओली मिर्गौला प्रत्यारोपणका लागि त्रिवि शिक्षण अस्पतालमा भर्ना हुने भएकाले आजै बैठक डाकिएको हो।
बैठकमा कोभिड-१९ भाइरसको संक्रमण रोक्नका लागि विभिन्न देशबाट आउने उडान बन्द गर्ने लगायतका निर्णय हुने सम्भावना छ। प्रधानमन्त्री ओलीको बुधबार त्रिवि शिक्षण अस्पताल महाराजगञ्जमा मिर्गौला प्रत्यारोपण हुँदैछ। त्यसपछि केही दिन उनले विश्राम लिने भएकाले पनि मन्त्रिपरिषद बैठक आजै डाकिएको हो।