बुधबार, जेठ १४, २०७७

समाचार

सुर्खेतको क्वारेन्टाइनबाट ११ जिल्लाका १ सय ३४ जनाको बिदाई

1586607050c2.jpg
फाइल तस्बिर।

सुर्खेत– सुर्खेतको खुल्लामञ्चस्थित क्वारेन्टाइनबाट ११ जिल्लाका १ सय ३४ जनालाई आज (शनिबार) बिदाई गरिएको छ।

क्वारेन्टाइन अवधि पूरा गरेका उनीहरूको नमुना परीक्षणमा गर्दा रिपोर्ट नेगेटिभ आएपछि क्वारेन्टाइनबाट बिदाइ गरिएको जनस्वास्थ्य सेवा कार्यालय, सुर्खेतका प्रमुख चेतननीधि वाग्लेले जानकारी दिए।

रोजगारीका लागि विभिन्न जिल्लाबाट उद्दार गरिएकामध्ये सुर्खेतका १९, जाजरकोटका १५, कालिकोटका ४०, जुम्लाको २२ र दैलेखका १५ जना क्वारेन्टाइनमा बसेका थिए। त्यस्तै, मुगुका १०, अछामका ३, हुम्लाका ३, रुकुमपश्चिमका ३, डोटीका २ र सल्यानका २ जनालाई क्वारेन्टाइनबाट बिदाई गरिएको वाग्लेले जानकारी दिए।

क्वारेन्टाइन व्यवस्थापन समिति, जनस्वास्थ्य कार्यालय र प्रदेश सरकारले सम्बन्धित जिल्लाका स्थानीय तहसँग समन्वय गरी उनीहरूलाई क्वारेन्टाइनबाट बिदा गरेको हो।

प्रतिक्रिया दिनुहोस्