शुक्रबार, जेठ १६, २०७७

कला - साहित्य

दीपिका पादुकोणसँग फिल्म खेल्दैथिए ऋषि कपुर

15882221571588208953rishi_kapoor.jpg

प्रख्यात बलिउड अभिनेता ऋषि कपुरको आज (बिहीबार) बिहान ६७ वर्षको उमेरमा निधन भएको छ। स्वास्थ्यमा समस्या आएपछि उनलाई हिजोमात्रै अस्पताल भर्ना गरिएको थियो।

ऋषि कपुर दिग्गज कलाकार राज कपुरका छोरा हुन्। ऋषिले आफ्नो फिल्म करिअरको सुरुवात सन् १९७३ मा बबी फिल्मबाट गरेका हुन्। उनके पहिलो फिल्म नै हिट हुन पुग्यो।

त्यसअघि उनी बाल कलाकारको रुपा श्री ४२० तथा मेरा नाम जोकरमा पनि देखिएका थिए। पछिल्लो फिल्मको रुपमा ऋषिले इमराश हाशमीसँग ‘द बडी’मा काम गरेका थिए। उनले

हालैमात्र आफूले अब दीपिका पादुकोणसँग फिल्म गर्न लागेको बताएका थिए। यो हलिउड फिल्म ‘द इन्टर्न’को रिमेक थियो।

सन् १९५२ सेप्टेम्बर ४ मा मुम्बईमा जन्मिएका ऋषि अभिनेताका साथै फिल्म निर्माता र निर्देशक पनि हुन्। सयौं फिल्ममा अभिनय गरेका ऋषिले भारतका थुप्रै प्रतिष्ठित पुरस्कारहरु प्राप्त गरेका छन्।

उनका छोरा रणवीर कपुर पनि फिल्म क्षेत्रमा स्थापित भइसकेका छन्।

बलिउडका ‘शो म्यान’ भनिने ऋषि कपुर दुई वर्षदेखि क्यान्सरसँग लडिरहेका थिए।

 

प्रतिक्रिया दिनुहोस्