मंगलबार, जेठ १३, २०७७

समाचार

गण्डकीमा ५२५ पीसीआर परीक्षण गर्दा २ मात्र पोजेटिभ

1585648772pokhara_h.JPG

पोखरा- गण्डकी प्रदेशका ११ जिल्लामा काेराेना भाइरसकाे पीसीआर परीक्षण गरिएकामध्ये २ जनाको पोजेटिभ नतिजा आएको छ। प्रदेश स्वास्थ्य निर्देशनालयका अनुसार आरडीटी परीक्षणमा सबै रिपोर्ट नेगेटिभ आएको छ।

हालसम्म गण्डकीमा ४३८८ आरडीटी र ५२५ पीसीआर परीक्षण गरिएको छ। प्रदेशका ११ जिल्लामा गरिएको पीसीआर परीक्षण गरिएकामध्ये २ जनाको पोजेटिभ नतिजा आएको स्वास्थ्य निर्देशनालय गण्डकी प्रदेशले जनाएको छ।

पीसीआर परीक्षणमा पाँच सय १६ जनाको नेगेटिभ नतिजा आएको छ भने कोरोना भाइरस पोजेटिभ देखिएका बागलुङका दुवैजना उपचारपछि घर फर्किसकेका छन्। पीसीआर परीक्षणको सातवटा रिपाेर्ट आउन बाँकी छ।

गण्डकी प्रदेशमा चैतमा विदेशबाट आएका चार हजार ६ सय ११ जनामध्ये अधिकांशको परीक्षण सकिएको जनाएको छ।
बागलुङमा सबैभन्दा धेरै एक हजार १ सय ६ जनामा आरडीटी परीक्षण गरिएको छ भने ६५ जनाको पीसीआर परीक्षण गरिएको छ।

कास्कीमा एक सय ५१ जनामा पीसीआर परीक्षण गरिएको छ। एक सय ४८ जनाको नेगेटिभ नतिजा आएको छ भने तीन जनाको आउन बाँकी छ। प्रदेशमा ९५ वटा स्थानमा फिभर क्लिनिक स्थापना गरी ६३ हजार २ सय ३४ जनाको ज्वरो जाँच गरिएको निर्देशनालयले जनाएको छ।

पश्चिमाञ्चल क्षेत्रीय अस्पतालबाट दुई पीसीआर मेसिनबाट नियमित कोराना भाइरस परीक्षण हुँदै आएको छ।

प्रतिक्रिया दिनुहोस्