सेयर बजार परिसूचक १४०० अंकमा

काठमाडौं– सेयर बजार परिसूचक (नेप्से) ले १४०० अंक छोएको छ। केही समय अघिदेखि लगातार घटिरहेको नेप्से माघ लागेदेखि निरन्तर वृद्धि भइरहेको छ। यस साताको दुई दिन लगातार १३ र ३१ अंकले बढेको थियो । तर, मंगलबार भने बजार १.७७ अंकले मात्र नेप्से बढेको छ ।

मंगलबार नेप्सेको कारोबार सुरु भएपछि बजार बढेर १४१६ अंकसम्म छोएको थियो, तर विस्तारै ओरालो लाग्दै १३८८ अंकसम्म पुगेर पुनः बढ्न थालेको थियो । अन्तिम समयमा बजार जम्मा १.७७ अंकले मात्र बढेर १४ सयमा गएर अडिएको छ । यसदिन १८१ कम्पनीको ५४ लाख कित्ता सेयर दुई अर्ब १२ करोड बराबरको रकम कारोबार भएको छ ।

मंगलबार बैकिङ ७.५३, ट्रेडिङ २.९५, विकास बैंक १४.५५, उत्पादनमूलक क्षेत्र ३०.७५ र म्युचुअल फन्ड ०.२ अंकले उकालो लागेको छ भने होटल्स ३३.२६, जलविद्युत १७.६२, फाइनान्स ५.८५, निर्जीवन बीमा ११.१५, अन्य २.३५, लघुवित्त १३.१ र जीवन बीमा ४५.९३ अंकले ओरालो लागेको छ ।
यसदिन सबैभन्दा बढी कारोबार हुनेमा एनआइसी एसिया, एनएमबी बैंक, हिमालय डिस्टिलरी, सिवम् सिमेन्ट छन्।

सबैभन्दा बढी कमाउनेमा कालिका माइक्रोफाइनान्स डेभलपमेन्ट बैंक, घलेम्दी हाइड्रो, साइन रेसुङगा, माउन्टेन हाइड्रो नेपालका लगानीकर्ताहरु रहेका छन् भने धेरै गुमाउनेमा लक्ष्मी लघुवित्त वित्तिय संस्था, पाँचथर पावर कम्पनी, सेन्ट्रल फाइनान्स, गुह्वेश्वरी मर्चेन्ट बैंक एन्ड फाइनान्स लिमिटेडका लगानीकर्ताहरु रहेका छन् ।