सत्यान- सल्यानमा एक युवतीको घाँटी रेटेर हत्या भएको छ।
शुक्रबार राति कोठामा एक्लै बसेर पढिरहेकी त्रिवेणी गाउँपपालिका वडा नं १, तल्लो काभ्राकी १६ वर्षीया कविता बोहराको घाँटी रेटेर हत्या भएको हो।
उनको स्वासनली काटेर हत्या भएको अवस्थामा शव भेटिएको सल्यान प्रहरीले जनाएको छ। कसले के कारणले हत्या गर्याे भन्ने विषयमा अनुसन्धान सुरु भएको प्रहरीले बताएको छ।
कविताका अभिभावकका अनुसार उनी शुक्रबार राति ९ बजेसम्म एक्लै कोठामा बसेर पढिराखेकी थिइन्। घरका सबै सदस्य सुतेपछि उनी बाहिर निस्केको हुन सक्ने र त्यही बेला उनको घाँटी रेटर हत्या भएको हुन सक्ने आशंका गरिएको छ।
राति १ बजे मात्र परिवारले कविताको खोजी सुरु गरेका थिए। तर कोठामा उनी नदेखपछि खोज्दै जाँदा घरदेखि १५ मिटरजति पर उनी मृत अवस्थामा फेला परेको परिवारका सदस्यहरुले बताएका छन्।