झापा– ठगी मुद्दामा झापा जिल्ला अदालतबाट १ वर्ष कैद र १२ लाख २१ हजार ४ सय ४७ रुपैयाँ सजाय सुनाइएका २ फरार अभियुक्तलाई प्रहरीले पक्राउ गरेको छ।
पक्राउ पर्नेहरुमा बुद्धशान्ति गाउँपालिका–४ बस्ने ४४ वर्षीय मुगाधन राई र ४० वर्षीय टिका काम्बाङ लिम्बु रहेका छन्। जिल्ला प्रहरी कार्यालय झापाको समन्वयमा जिल्ला प्रहरी कार्यालय इलामबाट खटिएको प्रहरीले इलाममा लुकिछिपी बसेको अवस्थामा पक्राउ गरेको हो।
दुवै जनालाई जिल्ला अदालत झापाको आदेशले कैद भुक्तानीका लागि जिल्ला कारागार झापा पठाइएको जिल्ला प्रहरी कार्यालय झापाले जनाएको छ।