भैरहवा– कपिलवस्तुको मायादेवी गाउँपालिकामा करेन्ट लागेर एक बालिकाको ज्यान गएको छ।
श्री नेपाल राष्ट्रिय माविमा कक्षा १ मा अध्यनरत ६ वर्षीया बालिकालाई विद्यालय जाने क्रममा बाटोमा रहेको चापाकल चलाएर पानी खान खोज्दा करेन्ट लागेको थियो ।
करेन्ट लागेर विजयकुमार पासीकी ६ वर्षीया छोरी कुसुमको मृत्यु भएको जिल्ला प्रहरी कार्यलय कपिलवस्तुले जनाएको छ।
प्रहरी निरीक्षक अमृत भण्डारीका अनुसार बालिकाले पानी खान खोज्दा करेन्ट लागेर मृत्यु भएको बुझिएको छ।
उनले भने, ‘चापाकलमा जडान गरिएको मोटरमा विद्युत् सर्ट भई करेन्ट प्रवाह भएको देखिएको छ।’
विद्यालयले विज्ञप्ति जारी गर्दै बालिकाले चापाकल छुँदा मृत्यु भएको जनाएको छ।