काठमाडौं उपत्यकामा धेरै सडकको अवस्था बिजोग छ। काठमाडौं उपत्यकाको ‘लाइफलाइन’ मानिएका अधिकांश सडक विस्तारको काम म्याद सकिँदा पनि अधूरै छ। खाल्डाखुल्डी, धुलोका कारण काठमाडौंवासी आजित छन्। घाम लागे धुलो, पानी परे हिलो।
विशेषगरी चाबहिल–साँखु, कलंकी–थानकोट, लगनखेल–सातदोबाटो, बल्खु–दक्षिणकाली सडक खण्डमा बढी समस्या छ ।
यता, तीनकुने–नयाँ बानेश्वर सडकमा भने पिचमाथि पिच भइरहेको छ। हालैमात्र पिच गरिएको सो सडक खण्डमा अहिले पनि पिच भइरहेको छ । निकै व्यस्त रहने यो सडकमा दिउँसोको समयमा पिचको काम हुँदा आवतजावतमा पनि समस्या देखिएको छ।
हेरौं, नेपाल समयकर्मी शिवराज खत्रीले बिहीबार दिउँसो खिचेका केही तस्बिर