आइतबार, जेठ १८, २०७७

समाचार

ड्युटीमा खटिएका प्रहरी हबल्दारको मृत्यु

1573180083death-ns.jpg
सांकेतिक तस्बिर

सोलुखुम्बु- ड्युटीमै खटिएका प्रहरी हबल्दारको मृत्यु भएको छ। अस्थायी प्रहरीचौकी दोर्पुका इन्चार्ज शिवप्रसाद भट्टराईको आइतबार बिहान करिब ३ बजे काममा खटिएकै बेला मृत्यु भएको सोलुखुम्बु प्रहरी प्रमुख टेकुनन्दइवा लिम्बूले जानकारी दिए।

लिम्बूका अनुसार काममै रहेका बेला शनिबार राति १२ बजे अत्याधिक पेट दुखेपछि उनलाई जिल्ला अस्पताल फाप्लु उपचारका लागि लगिएको थियो। उनको उपचारकै क्रममा मृत्यु भएको लिम्बूले बताए।

भोजपुर घर भई हाल सुनसरीमा बस्दै आएका ३८ वर्षीय भट्टराईका पत्नी, दुई छोरा र एक छोरी छन्। -रासस

प्रतिक्रिया दिनुहोस्