राजविराज- नेपाली युवकको भारतमा गोली हत्या भएको छ ।
सप्तरीको बोदेबर्साइन नगरपालिका वडा नम्बर १० खडगपुर अमरैयाका २२ वर्षीय डम्बर यादवको गोली हानी हत्या भएको हो ।
सप्तरीका एक युवकको भारतमा गोली प्रहार गरी हत्या गरिएको छ । जिल्लाको बोदेबर्साइन नगरपालिका वडा नम्बर १० खडगपुर अमरैयाका २२ वर्षीय डम्बर यादवको हत्या भएको हो ।
ग्यारेज मालिक सत्येन्द्र यादवको भारतीय नम्बरको स्कारपियो गाडी चलाएर झन्झारपुर जाँदै गर्दा उनीमाथि गोली प्रहार भएको भारतीय प्रहरीले जनाएको छ । उनी ग्यारेजमा काम गर्दै आएका थिए ।
मोटरसाइकलमा आएको समूहले हानेको पहिलो गोली स्कारपियोको टायर र दोस्रो गोली डम्बरलाई लागेको थियो ।
घटना भएको समयमा सत्येन्द्रका भाइ सुरेन्द्र र बोदेबर्साइन ८ का अनिल यादवसँगै रहेका थिए । घटना मंगलबार भएको हो ।
डम्बरको शवलाई नेपाल ल्याएर बुधबार अन्तिम संस्कार गरिएको यादवको परिवारले जनाएको छ ।