शुक्रबार, जेठ १६, २०७७

कला - साहित्य

ध्रुवचन्द्र गौतमलाई वसुन्धराश्री र सरुभक्तलाई मानश्री पुरस्कार

1587215127dhurba_saru.jpg

काठमाडौं– वसुन्धरा-मान प्रज्ञा प्रतिष्ठानले २०७७ सालको वसुन्धराश्री पुरस्कार साहित्यकार डा. ध्रवचन्द्र गौतमलाई र मानश्री पुरस्कार साहित्यकार सरुभक्तलाई प्रदान गर्ने निर्णय गरेको छ।

प्रतिष्ठानका कुलपति डा. दुबसु क्षेत्रीको अध्यक्षतामा शनिबार बसेको बैठकले उक्त निर्णय गरेको हो।

कथा, उपन्यास र नाटकको सिर्जनाद्वारा नेपाली साहित्यलाई सार्थक, समृद्ध र समुन्नत बनाउन योगदान दिएकोमा गौतमलाई पुरस्कृत गर्ने निर्णय गरिएको प्रतिष्ठानले जनाएको छ।

साहित्यकार गौतमका अन्त्यपछि, बालुवामाथि, एक सहरमा एक कोठा, फूलको आतङ्क, घुर्मी, अँध्यारो द्वीपमा लगायत दर्जनाैं  आख्यान कृति प्रकाशित छन्।

त्यसैगरी कविता, मुक्तक, गीत, नाटक र उपन्यासको सिर्जनाद्वारा नेपाली वाङमयकाे विकास र विस्तारमा महत्त्वपूर्ण योगदान दिएकोमा सरुभक्तलाई पुरस्कृत गरिएको प्रतिष्ठानको भनाइ छ।

सरुभक्तका बन्द खामभित्र, प्रेमी र पागल, ज्यानमारा, यामागल, पागल बस्ती, तरुनीखेती, चुली, अँध्यारो कोठा, प्रतिगन्धलगायत थुप्रै कृति प्रकाशित छन् ।

वसुन्धराश्री पुरस्कारको राशि ७५ र मानश्रीको ५० हजार रुपैयाँ छ।

प्रतिक्रिया दिनुहोस्