पाटे बाघको छालासहित ३ पक्राउ

काठमाडौं– पाटे बाघको छालासहित नेपाल प्रहरीको केन्द्रीय अनुसन्धान व्यूरोले दाङबाट तीन जनालाई पक्राउ गरेको छ। व्यूरोको टोलीले १० फिट २ इन्च लम्बाई र ३ फिट २ इन्च चौडाइ रहेको एक थान छालासहित दाङ तुल्सीपुर उपमहानगरपालिका–५ बसपार्कबाट तीन जनालाई पक्राउ गरेको हो।

पक्राउ पर्नेमा सल्यान बनगाड किपण्डे नगरपालिका–२ का ३७ वर्षीय यम बहादुर राना, सल्यान त्रिवेणी गाँउपालिका–१ का ३० वर्षीय सुरनित रामजा बुढा मगर रसल्यान शारदा नगरपालिका–१ का २६ वर्षीे रमित सुनार रहेका छन्।

उनीहरुलाई आवश्यक कानूनी कारवाहीको लागि डिभिजन वन कार्यालय घोराही दाङमा बुझाईएको व्यूरोले जानकारी दिएको छ।