शनिबार, जेठ १७, २०७७

समाचार

इटहरी उपमहानगरका वडाध्यक्षको निधन

1587032093Capture.JPG

इटहरी उपमहानगरपालिका वडा नम्बर १ का अध्यक्ष विष्णु चौधरीको निधन भएको छ।

नेपाली कांग्रैस सुनसरी क्षेत्र नम्बर २ का प्रभावशाली नेता समेत रहेका अध्यक्षको बुधबार राति मृत्यु भएको उपमेयर लक्ष्मी गौतमले जानकारी दिइन्।

गौतमका अनुसार अध्यक्ष चौधरी विभिन्न स्वास्थ्य समस्यासँग जुधिरहेका थिए र औसधि सेवन गरिरहेका थिए।

५५ वर्षको उमेरमा निधन भएका अध्यक्ष चौधरीको आजै इटहरीको बूढीगंगा घाटमा अन्त्येष्टि गरिएको छ।

यसअघि लकडाउनकै समयमा वडा नम्बर १० की सदस्य ६६ वर्षिया दुलया ऋषिदेवको चैत १६ गते निधन भएको थियो।

आजै इटहरी उपमहानगरले दुई जनप्रतिनिधिको मृत्युमा शोक प्रस्ताव पारित गर्दै राष्ट्रिय झन्डा झुकाएर उपमहानगर मातहतका सबै कार्यालय बन्द गराएको मेयर द्वारिकलाल चौधरीले प्रेस विज्ञप्तिमार्फत् जानकारी गराएका छन्।

प्रतिक्रिया दिनुहोस्