कर्णेलसहित २५ जनाको हत्या गर्ने सैनिक जवानलाई गोली हानेर मारियो

एजेन्सी- आफ्नै कमाण्डर (कर्णेल)सहित २५ जनको गोली हानेर हत्या गर्ने सैनिक जवानलाई पनि गोली हानेर मारिएको छ ।

थाइल्याण्डको उत्तर पूर्वी क्षेत्रस्थित नाखोन शहरमा अन्धाधुन्ध चलाएर २५ जनाको ज्यान लिने सैनिक जवालाई आइतबार बिहान गोली हानेर मारिएको हो ।

आक्रमणकारी ती सैनिकलाई एउटा सपिङ सेन्टरमा लुकिरहेको अवस्थामा सुरक्षाकर्मीले घेरा हालेर गोली हानी हत्या गरेको अन्तर्राष्ट्रिय सञ्चार माध्यमले जनाएका छन् ।

उनी आफू कार्यरत ब्यारेकबाट आफ्ना कमान्डिङ अफिसर (कर्णेल)लाई गोली हानेर हतियारसहित ब्यारेकबाहिर निस्किएका थिए ।

त्यसलगत्तै उनले सपिङ सेन्टरमा जथाभावी गोली प्रहार गरेको प्रत्यक्षदर्शीलाई उधृत गर्दै अन्तर्राष्ट्रिय सञ्चार माध्यमले जनाएका छन् । आक्रमणको कारणबारे अनुसन्धान भइरहेको थाइ प्रहरीले जनाएको छ ।

घटनास्थलमा पुगेका थाई प्रधानमन्त्री प्युट चानले दोषीमाथि कडा सजाय हुने बताएका थिए । त्यसलगतै ती सैनिक जवानलाई गोली हानेर मारिएको हो ।