आइतबार, जेठ १८, २०७७

समाचार

इटहरीमा आजदेखि द्रूत परीक्षण 

1586841233itahair_hospital.jpg

इटहरी- सुनसरीको इटहरी अस्पतालमा मंगलबारदेखि कोभिड १९ को तीव्र निदानात्मक परीक्षण हुने भएको छ।

अस्पतालका इमर्जेन्सी विभाग प्रमुख रामकुमार धमलाका अनुसार यस्तो परीक्षण विदेशबाट आएकालाई गरिनेछ। स्थानीय सरकारको तथ्यांकअनुसार इटहरीमा लकडाउन सुरु हुनुअगाडिका दुई सातामा ११० नेपाली विदेशबाट आएका छन्।

दैनिक कम्तीमा दर्जन हाराहारीको परीक्षण गर्ने अस्पतालको तयारी छ। यसका लागि आवश्यक किट तथा पीपीई आइसकेको छ। पाँच आइसोलेसन बेड भएको इटहरी अस्पतालमा ३ एमबबीबीएस डाक्टरसहित ४६ स्वास्थ्यकर्मी छन्।

अस्पतालले इटहरीको जनता बहुमुखी क्याम्पसमा १०० बेड क्षमताको क्वारेन्टाइन निर्माण गरेको छ। तर क्वारेन्टाइनमा अहिलेसम्म कसैलाई भर्ना गरिएको छैन।

प्रतिक्रिया दिनुहोस्