तीलाको पुलले जुम्लामा ल्याएको खुसी

काठमाडौं- जुम्लाको तीला गाउँपालिका–३ मा रहेको तीला नदीमा पक्की पुल बनेपछि जुम्लाका स्थानीय हर्षित भएका छन्।

तीला नदिमा ५२ मिटरको पक्की पुल निर्माणसम्पन्न भएपछि आवतजावत सहज भएपछि स्थानीय खुसी भएका हुन्।

जुम्ला र जाजरकोट जोड्नको मार्गको सो पुलको काम पाँच वर्षअघि सुरु भएको थियो भने हाल आएर निर्माण सम्पन्न भएको हो। 

पुलको अभावमा तातोपानी ७ र ८ का वासिन्दालाई आवत जावतमा सास्ती हुँदै आएको थियो।

‘विषेशगरी वर्खायाममा मानिसहरूलाई खोला तर्न महाभारतै थियो,’ स्थानीय रमाकान्त कुँवरले भने, ‘आउजाउ गर्दा ज्यानकै जोखिम हुन्थ्यो। अब पुलले गर्दा सहज भएको छ। बाह्रैमास सुविस्ताले हिँडन् पाइयो।’

पुल निर्माण भएपछि कर्णाली राजमार्गदेखि भेरीखोला हुँदै जाजरकोट जान सहज भएको छ।

४ करोड १२ लाख रूपैयाँ लागतमा निर्मित पुलको निर्माणको लागि २०७३ साल असार ५ मा निर्माण सम्झौता भएको थियो।

४ करोड १२ लाख रूपैयाँ लागतमा निर्मित पुलको निर्माणको लागि २०७३ साल असार ५ मा निर्माण सम्झौता भएको थियो।

निर्माण सम्झौताअनुसार पुल २०७५ साल जेठमै बनिसक्नु पर्ने पुल ठेकेदारको ढिलासुस्तीले गर्दा निर्माण समयमै बन्न सकेको थिएन। पुल नबन्दा स्थानीय सास्ती खेप्न बाध्य हुँदा ठेकेदार कम्पनीसँग रुष्ट थिए।

‘पुलको निर्माण फरक र जटिल प्रकृतिको थियो। लामो समयदेखि निर्माण सुरु भए पनि अलपत्र परेको थियो,’ पूर्वाधार विकास कार्यालय जुम्लाका प्रमुख रूपकबहादुर रावले भने, ‘निर्माण सम्पन्न भएपछि जुम्लाको साविक ताम्ति गाविस हाल तातोपानी गाउँपालिकाको ७ र ८ का स्थानीयलाई आउजाउमा सहज भएको छ भने जाजरकोट जाने यात्रुलाई पनि सुविस्ता भएको छ।’

जाजरकोटबाट जुम्ला जाने जुम्ला–जाजरकोट सिमानासम्म कच्ची सडक जोड्न पूर्वाधार विकास कार्यालयले दुई करोड १९ लाख रूपैयाँ विनियोजन गरिसकेका छ। हाल जुम्लाको इमिल्चा क्षेत्र हुँदै जाजरकोटसम्म पुग्ने सडक निर्माणको काम सूचारु छ।

‘विगतमा वर्षायाममा नदीमा पानीको सहत उचोँ हुँदा नदी तर्न सम्भव हुन्थेन,’ कुँवरुले भने, ‘वर्षामा त गाडी आउजाउ नै रोकिन्थ्यो। पुल बनेपछि ढुक्क भएको छ।’

पुलले गाउँमा आवश्यक पर्ने दैनिक उपभोग्य वस्तु ढुवानी गर्न सहज हुनेछ। साथै गाउँमा उत्पादिन कृषिजन्य वस्तु पनि बजारसम्म लान सहज हुने आशा स्थानीयको छ।