मंगलबार, जेठ १३, २०७७

समाचार

क्वारेन्टाइनमा बसेका सबै घर फिर्ता

1585648772pokhara_h.JPG

पोखरा- कोरोना भाइरस संक्रमणको आशंकामा क्वारेन्टाइनमा राखिएका पोखराका सबै जना घर फर्किएका छन्। परीक्षण गर्दा उनीहरुमा कोरोना नदेखिएको गण्डकी प्रदेश स्वास्थ्य निर्देशानालयले जनाएको छ।

सबैको स्वाब परीक्षणमा नेगेटिभ रिपोर्ट आएपछि घर फर्काइएको निर्देशनालयका निर्देशक डा. विनोदविन्दु शर्माले जानकारी दिए। क्वारेन्टाइनमा केही विदेशबाट आएका पनि थिए। फर्किएका सबै ७ दिनसम्म घरमै क्वारेन्टाइनमा बस्नुपर्नेछ।

गण्डकीमा पछिल्लो समय विदेशबाट आएका ४ हजार १ सय ४६ को स्वाब लिएर कोरोना परीक्षण गर्ने तयारी छ।  बिहीबारसम्म २ सय ८३ जनाको स्वाब परीक्षण भइसकेको छ। तीमध्ये २ जनामा मात्र संक्रमण देखिएको छ। बागलुङमा  उपचाररत उनीहरुको अवस्था सामान्य रहेको बताइएको छ।

 

प्रतिक्रिया दिनुहोस्