रहेनन् पत्रकार दुर्गानाथ शर्मा

काठमाडौं- पत्रकार दुर्गानाथ शर्माको निधन भएको छ। नेपाल टेलिभिजनका भूतपूर्व महाप्रवन्धक रहिसकेका शर्माको बुधबार निधन भएको हो।

मुटुसम्बन्धी समस्याले सताइएका ७२ वर्षीय शर्माको उपचारका क्रममा मनमोहन कार्डियोथोरासिक भास्कुलर तथा ट्रान्सप्लान्ट सेन्टरमा निधन भएको हो।

नेपाल टेलिभिजनमा लामो समयसम्म नेतृत्व तहमा रहेर काम गरिसकेका स्वर्गीय शर्माको विश्व घटना कार्यक्रम निकै लोकप्रिय थियो। इलाममा २००४ साल जेठ १४ जन्मिएका शर्माले ‘बिनाराहदानीको विदेश यात्रा’, ‘छाल’ लगायतका पुस्तक पनि प्रकाशित गरेका थिए। शर्माले गोरखापत्रको संवाददाताका रुपमा पत्रकारिता सुरु गरेका थिए।

शर्माका श्रीमती र दुई छोरा छन्।