भन्सारका नासु अन्सारी डेढ लाख घुससहित पक्राउ

काठमाडौं– जनकपुर भन्सार कार्यालय, धनुषामा कार्यरत नायब सुब्बा अहमद रजा अन्सारी एक लाख ५० हजार रकमसहित पक्राउ परेका छन्।

अन्सारीले नेपाल(भारत सीमा बजारबाट घरायसी सामान ल्याउन सहज गराइदिन्छु भनी सेवाग्राहीसँग घुस माग गरिरहेको भन्ने उजुरी एवं सूचनाकाआधारमा अख्तियार दुरुपयोग अनुसन्धान आयोगको कार्यालय बर्दिवासबाट खटिई गएको टोलीले पक्राउ गरेको हो।

जनकपुर उपमहानगरपालिका- ८ पिडारीचोकबाट रकमसहित सोमबार पक्राउ परेका उनीमाथि अनुसन्धान भइरहेको अख्तियार प्रवक्ता प्रदीप कोइरालाले जनाएका छन्।