काठमाडौं– ‘विश्वकप क्रिकेट लिग २’अन्तर्गतको त्रिकोणात्मक शृंखला खेल्न अमेरिकाको टिम नेपाल आइपुगेको छ।
अमेरिकन क्रिकेट बोर्डको ट्विटर ह्यान्डल युएसए क्रिकेटले सोमबार ट्विटमार्फत अमेरिकन क्रिकेट टिम नेपाल आएको जनाएको हो।
नेपाल, अमेरिका र ओमान सम्मिलित त्रिकोणात्मक एकदिवसीय शृंखला आगामी बुधबार सुरु हुँदैछ।
राजधानीको कीर्तिपुर क्रिकेट मैदानमा आयोजना हुने उक्त प्रतियोगितामा ६ खेल सञ्चालन हुनेछन्, जसमा प्रत्येक टिमले समान चार खेल खेल्नुपर्नेछ।
‘विश्वकप क्रिकेट लिग २’ अन्तर्गत अमेरिकाले ८ र ओमानले ५ खेल खेलिसकेका छन्। नेपालले भने घरेलु मैदानमा पहिलो खेल खेल्दैछ।
लिगको अंकतालिकामा अमेरिका १२ अंकसहित शीर्ष स्थानमा रहँदा ओमान ८ अंकसहित तेस्रोमा छ।