आइतबार, जेठ १८, २०७७

समाचार

इन्जिनियरले बनाए कोरोना परीक्षण बुथ

1586233987ppe_itaharin.jpg

इटहरी- इटहरीका इन्जिनियरले पर्सनल प्रोटेक्टिभ इक्युप्मेन्ट (पीपीई) नभएको क्षेत्रमा कोरोना भाइरस परीक्षण गर्न सुरक्षित बुथ बनाएका छन्।
इन्जिनियर्स एसोसिएसन इटहरी च्याप्टरका ५ जना मिलेर निर्माण गरिएको बुथ इटहरी अस्पताललाई हस्तान्तरण गरिएको इन्जिनियर राजु आचार्यले जानकारी दिए।

'पीपीई र अन्य आवश्यक स्वास्थ्य सुरक्षाका सामान नभए पनि बुथमा आएपछि डाक्टरले बिरामी छुनै पर्दैन', आचार्यले भने, 'बिरामीले पनि संक्रमण अरुमा सार्ने सम्भावना भएन।'
एउटा बुथ निर्माण गर्न ४२ हजार रुपैयाँ खर्च भएको आचार्यले बताए।

अन्य स्थानीय निकायले प्राविधिक सहयोग गरेमा निर्माण गर्न तयार रहेको उनको भनाइ छ। इन्जिनियरले हस्तान्तरण गरेको कोरोना जाँच बुथ आएपछि स्वास्थ्यकर्मीमा आत्मबल बढेको इटहरी उपमहानगरकी उपमेयर लक्ष्मी गौतमले बताइन्।

प्रतिक्रिया दिनुहोस्