काठमाडौं– भारतले न्युजिल्यान्डविरुद्धको पाँच खेलको टी–२० क्रिकेट शृंखला ‘क्लिन स्विप’ गरेको छ।
आइतबार सम्पन्न शृंखलाको पाँचौं खेलमा पराजित गर्दै भारतले शृंखला ‘क्लिन स्विप’ गरेको हो।
१६४ रनको लक्ष्य पछ्याएको न्युजिल्यान्ड ९ विकेट गुमाउँदै १५६ रनमा सीमित भएपछि भारतले खेल जितेको हो।
न्युजिल्यान्डका लागि रोस टेलरले सर्वाधि ५३ रन जोडे। यस्तै, टिम सेफर्डले ५०, इस सोदीले अभिजित रहँदै १६ र कोलिन मुनरोले १५ रन बनाए।
अन्य खेलाडीले दोहोरो अंकको रन छुन सकेनन्।
न्युजिल्यान्डको पारी ध्वस्त बनाउन भारतका जसप्रित बुमराहले तीन, नवदीप सैनी तथा सार्दुल ठाकुरले दुई–दुई विकेट लिए। यस्तै, वासिंटन सुन्दरले एक विकेट चट्काए।
त्यसअघि भारतले निर्धारित २० ओभरमा ३ विकेट गुमाएर १६३ रन जोडेको थियो। भारतका लागि कप्तान रोहित शर्माले सर्वाधिक ६० रन बनाए। उनी रिटायर्ड हर्ट भएका थिए। यस्तै, केएल राहुलले ४५, श्रेयस ऐयरले ३३ र मनिष पान्डेले ११ रन जोडे।
न्युजिल्यान्डका स्कट कुगेलेजेनले दुई तथा हामिस बेनेटले एक विकेट लिए।