काठमाडौं – दक्षिण कोरियाले विगत दुई सातामा चीनको हुबेई भ्रमण गरेका विदेशी नागरिकलाई आफ्नो देश प्रवेशमा प्रतिबन्ध लगाएको छ।
दक्षिण कोरियाली प्रधानमन्त्री चुङ सी क्युनले यो नियम आगामी मंगलबारदेखि लागू हुने जानकारी दिए।
यदि कुनै कोरियाली नागरिकले हुबेई भ्रमण गरेर फर्किएका रहेछन् भने उनीहरू क्वारेन्टाइन परीक्षण गरी दुई सातासम्म घरमै रहनुपर्नेछ।
चिनियाँ नागरिकलाई बिना भिसा दक्षिण कोरियाको जेजु टापुमा प्रवेश गर्न अनुमति दिने प्रणाली अस्थायी रूपमा बन्द गरिएको अधिकारीहरूले बताएका छन्।
सिंगापुर, अस्ट्रेलिया, न्युजिल्यान्ड र संयुक्त राज्य अमेरिकाले चीनबाट स्वदेशमा आउने विदेशीमाथि प्रतिबन्ध लगाएका छन्।