लखनउ– भारतको उत्तर प्रदेशमा विश्व हिन्दू महासभाका अध्यक्ष रणजित बच्चनको गोली हानी हत्या गरिएको छ।
अखिल भारतीय हिन्दू महासभाका उत्तर प्रदेश प्रमुखसमेत रहेका ४० वर्षीय रन्जितको लखनउमा मर्निङ वाकको क्रममा हत्या भएको हजरतगन्ज प्रहरीले जनाएको छ।
लखनउका अतिरिक्त प्रहरी आयुक्त नवीन अरोडका अनुसार बच्चनमाथि मोटरसाइकलमा सवार व्यक्तिले गोली प्रहार गरेका थिए। प्रहरीका अनुसार बच्चनको घटनास्थलमै मृत्यु भएको छ भने उनका भाइलाईसमेत गोली लागेको छ।
प्रहरीका अनुसार घटनासम्बन्धी अनुसन्धान सुरु भएको छ। यसअघि बच्चन समाजवादी पार्टीका सदस्य थिए।