काठमाडौं– ललितपुरको बखुन्डोलमा रहेको एक कवाडी गोदाममा आगलागी भएकाे छ।
नर्बेजियन दुतावासको छेउमा रहेको कवाडी गोदाममा आगलागी भएको ललितपुर प्रहरीले जनाएको छ।
आगो निभाउने क्रममा दुई जना घाइते भएका छन्। उनीहरूको परिचय खुल्न सकेको छैन।
प्रहरी, अग्नि नियन्त्रक बाहन र स्थानीय मिलेर आगो निभाउने प्रयास भैरहेको प्रहरीले जनाएको छ। प्रहरीका अनुसार घटनास्थलमा ६ वटा दमकल र १४ ट्यांकर आगो निभाउन प्रयोग भइरहेको छ।
आगलागीको कारण भने खुल्न सकेको छैन। आगलागी नियन्त्रणमा लिन केही समय लाग्ने प्रहरीले जनाएको छ।