‘भिजिट नेपालका नाममा कोरोना भाइरस नभित्र्याऊ’

काठमाडौं– राष्ट्रियसभाका एक सदस्यले ‘भिजिट नेपाल २०२०’को नाममा कोरोना भाइरस भित्र्याउन नहुने बताएका छन्।

राष्ट्रियसभाको आइतबारको बैठकमा बोल्दै सांसद रमेशचन्द्र रायमाझीले भने, “भिजिट नेपालको नाममा रोग भित्रियाउनु हुँदैन। भिजिट नेपाल २०२० भएन भने २०२१ गरौंला। तर, कोरोनालाई रोकौं।”

उनले चीन र अन्य देशबाट आउने पर्यटकलाई विमानस्थलमा राम्रोसँग चेकजाँच गर्नुपर्ने बताए।

उनले नेपालको स्वास्थ्य व्यवस्थापन कमजोर भएकाले कोरोना भाइरस भित्रिए वितन्डा मच्चिने बताए। “झाडापखालाबाट मर्ने देशमा कोरोना भित्रियो भने के होला ?” सांसद रायमाझीले प्रश्न गरे। 

सांसद रायमाझीले अमेरिकी सरकारले निःशुल्क डाक्टर पढ्ने व्यवस्था गरेकोमा जटिलता थपिएको बताए। त्यस व्यवस्थालाई सहज बनाउनु पर्ने उनले माग गरे।

कोरोना भाइरसबाट अहिलेसम्म तीन सय पाँच जनाकाे मृत्यु भइसकेकाे छ।