हेटौंडा– हेटौंडा उपमहानगरपालिका–५, पिप्लेस्थित एक विद्यालयका दुई बसमा शनिबार आगजनी भएको छ।
जेनिथ इन्टरनेसनल स्कुलकाे परिसरभित्र रोकिराखिएको ना७ख ८७२८ र ना१क ३२१८ नम्बरको बसमा आगजनी भएको हो।
आगलागीबाट एउटा बस पूर्णरूपमा र अर्को आंशिकरूपमा क्षति भएको जनाइएको छ।
बसका आगलागी भएको देखेपछि स्थानीयले प्रहरीलाई खबर गरेका थिए।
स्थानीयवासी र हेटौंडा उपमहानगरपालिकाको दमकलले आगो नियन्त्रणमा लिएका थिए।
प्रहरीले बसमा आगलागी भएको वा आगजनी गरिएको भन्ने विषयमा अझै नखुलेको जनाएको छ।
घटनास्थलमा जिल्ला प्रहरी कार्यालय, मकवानपुरका प्रहरी निरीक्षक अमर गजमेर र सुरेन्द्र श्रेष्ठसहितको टोली पुगेर अनुसन्धान गरिरहेको प्रहरीले जनाएको छ।