काठमाडौं– कतार एयरवेज सहिद स्मारक ‘ए’ डिभिजन लिगमा आज दुई खेल हुँदैछन्।
त्रिपुरेश्वोरस्थित दशरथ रंगशालामा दिउँसो १२ बजे सुरु हुने पहिलो खेलमा हिमालयन शेर्पा र संकटा क्लब भिड्नेछन्।
अघिल्लो चरणमा सरस्वती युथ क्लबसँग पराजय भोगेको हिमालयन शेर्पा तालिकाको १२ औं स्थानमा छ। आजको खेलमा जित निकाल्न सके शेर्पा क्लब तालिकाको दशौं स्थानमा उक्लने सम्भावना छ।
अर्कोतर्फ तालिकाको आठौं स्थानमा रहेको संकटा क्लबको १२ अंक छ। आजको खेलमा जित निकाले तालिकाको शीर्ष ५ मा अटाउन सक्ने सम्भावना रहन्छ।
आजै हुने दोस्रो खेलमा उपाधि होडमा रहेको त्रिभुवन आर्मी क्लबले नेपाल पुलिस क्लबको सामना गर्नेछ। अंकतालिकामा १४ अंक जोड्दै नेपाल पुलिस छैठौं स्थानमा छ। आजको खेलमा जित निकाल्दै पुलिस तालिकाको शीर्ष ४ मा उक्लने लक्ष्यमा हुनेछ।
अर्कोतर्फ दोस्रो स्थानमा रहेको त्रिभुवन आर्मीकाे २० अंक छ। आज जित निकाले त्रिभुवन आर्मीको २३ अंक हुनेछ र पुनः शीर्ष स्थानमा उक्लनेछ।
लिगकाे अंकतालिकामा शीर्ष स्थानमा रहेको मछिन्द्रको २२ अंक छ।