बर्नबेउ– ला लिगाअन्तर्गत शनिबार राति सम्पन्न खेलमा रियल मड्रिडले संघर्षपूर्ण जित निकालेको छ।
उसले घरेलु मैदानमा एट्लेटिको मड्रिडमाथि १–० को जित निकालेको हो।
बर्नबेउ स्टेडियममा सम्पन्न खेलको पहिलो हाफ गोलरहित बराबरीमा सकिएको थियो।
जितसँगै रियल मड्रिडले शीर्ष स्थानको होडमा रहेको बार्सिलोनासँग ६ अंकका अग्रता बनाएको छ।
खेलको ५६ औं मिनेटमा गोल गर्दै बेञ्जेमाले रियललाई सुरुवाती अग्रता दिलाएका थिए। फरल्यान्ड मेन्डिको गोललाई बेञ्जेमाले गोलमा परिणत गरेका थिए। बेञ्जेमाको गोलपछि रियलले अर्को गोल स्कोर गर्न नसक्दा उनको गोल निर्णायक बन्यो।
जितसँगै रियल मड्रिडले बार्सिलोनासँगको अंक दूरी बढाएको छ। रियल ४९ अंक जोडेर शीर्ष स्थानमा रहँदा बार्सिलोना भने ४३ अंकका साथ दोस्रो स्थानमा छ। त्यस्तै, सेभिया ३८ अंकका साथ तेस्रो स्थानमा छ।
शीर्ष ६ को प्रतिस्पर्धामा रहेको एट्लेटिको मड्रिड ३६ अंकका साथ छैटौं स्थानमा छ।