धनगढी– कैलालीको अत्तरियामा एक युवती मृत फेला परेकी छन्।
गोदावरी नगरपालिका–२ की २३ वर्षीय उर्मिला विष्ट अत्तरियास्थित खानेपानी ट्यांकी नजिकै मृत फेला परेको प्रहरीले जनाएको छ।
प्रहरीका अनुसार उनी गत बिहीबारदेखि बेपत्ता थिइन्।
गत बिहीबार घाँस काट्न गएकी शुक्रबारसम्म घर नफर्किएपछि परिवारका सदस्यले खोजतलासका लागि इलाका प्रहरी कार्यालय, मालाखेतीमा निवेदन दिएका थिए।
स्थानीयले घटना शंकास्पद भएको बताएका छन्।
जिल्ला प्रहरी कार्यालयका प्रहरी नायब उपरीक्षक दक्षकुमार बस्नेतले घटनाको अनुसन्धान भइरहेको बताए।