म्युनिख– इम्री क्यानले अब डर्टमुन्डबाट फुटबल खेल्ने भएका छन्।
उनले सिरी एको साविक विजेता युभेन्ट्स छोडेर जर्मनी क्लाब रोजेसँगै बुन्डेसलिगा खेल्ने भएका हुन्।
इम्रीले त्यहाँ २७ नम्बरको जर्सी लगाउने छन्।
उनलाई अनुबन्धन गर्ने क्रममा डर्टमुन्डका निर्देशक माइकल जोर्कले भनेका छन्, “इम्रीमा हामी जर्मनीको राष्ट्रियता पाउने छौं। उनी डिफेन्स र सेन्ट्रल मिडफिल्डमा पनि राम्रो गर्न सक्छन्। उनी एक यस्ता खेलाडी हुन्, जसले फुटबलमा आफ्नो टेक्निक प्रयोग गर्छन् र उनमा जितको भोक पनि छ।”
उनले थपे, “मलाई लाग्छ टिमको पोटेन्सियल पनि राम्रो बन्नेछ।”
इम्रीलाई किन्न युभेन्टसले डर्टमुन्डलाई विकल्प पनि दिएको छ। तर, उनी हाललाई लोनमा बुन्डेसलिगा खेल्न गएका हुन्।
इम्रीले वायर्न म्युनिख र बायर लिभरकसेनबाट पहिले पनि जर्मनी लिग बुन्डेसलिगा खेलिसकेका छन्।