कोरोना भाइरस संक्रमितको उपचार गर्न भरतपुर अस्पतालमा आइसोलेसन वार्ड

चितवन– भरतपुर अस्पतालले कोरोना भाइरस संक्रमितको उपचार गर्न पाँच शय्याको आइसोलेसन वार्ड बनाएको छ।

अस्पतालको ‘ए’ ब्लकको तेस्रो तलामा छुट्टै आइसोलेसन वार्ड बनाइएको अस्पतालले जनाएको छ।

अस्पतालका अनुसार कोरोना भाइरसको संक्रमण देखिए वा आशंका लागेका बिरामीलाई यहीँ राखेर उपचार गरिनेछ। यसका लागि कन्सलटेन्ट फिजिसियन डा. प्रमोद पौडेल र डा. कल्याण सापकोटालाई फोकल पर्सन तोकिएको छ।

अस्पतालले भाइरसको संक्रमित बिरामीको घाँटीबाट र्‍यालको नमूना निकाली राष्ट्रिय जनस्वास्थ्य प्रयोगशालामा पठाउने जनाएको छ।