काठमाडौं - नेपाल विद्युत प्राधिकणले काठमाडौं र ललितपुरका केही स्थानमा शनिबार दिनभर बत्ति जाने बताएको छ।
प्राधिकरणले चक्रपथ विस्तार कार्यको लागि नेपाल वन निगम लिमिटेडले रुख कटान गर्न लागेकाले बिहान ७ बजेदेखि ४ बजेसम्म महाराजगंज वितरण केन्द्रको धापासी फिडरबाट वितरीत लाइन सट डाउन हुने जानकारी दिएको छ। उक्त फिडर अन्तर्गतका वसुन्धारा, सामाखुशी चोक, रानीबारी गोंगबु चोक, टोखा रोड हुँदै ग्राण्डी अस्पताललगायतका क्षेत्रहरुमा विद्युत आपूर्ति बन्द हुने प्राधिकरणले जानकारी दिएको छ।
यस्तै पुल्चोक वितरण केन्द्रको टेकु पुल्चोक फिडरबाट वितरीत ११ केभी लाइनमा सेक्सनलाइजर राख्ने कार्य तथा जम्परहरु मर्मत गरी फिडर सुधार गर्नुपर्ने भएकोले बिहान ११ बजेबाट साँझ ५ बजेसम्म क्रेन्द्रबाट वितरीत लाइन बन्द हुने पनि प्राधिकरणले जानकारी दिएको छ। उक्त फिडर अन्तर्गत वल्खु, सानेपा साँचल, सानेपा चोक, प्रधानसेनापति निवास, झम्सीखेल चोक, सिजि कार्यालय एरियालगायतका क्षेत्रहरु पर्दछन्।
साथै निर्धारित समय अगावै काम सम्पन्न भएमा सो समय भन्दा अगावै पनि लाइन सुचारु हुन सक्ने प्राधिकरणले जनाएको छ।