काठमाडौं- कर्णाली प्रदेशको हुम्ला जिल्लामा केही समय अघिदेखि फैलिएको मौसमी रुघाखोकी (फ्लु) प्रति नेपाली कांग्रेसले चिन्ता व्यक्त गरेको छ।
फ्लुका कारण एक दर्जनभन्दा बढी मानिसहरुले अकालमै ज्यान गुमाउनु परेकोमा कांग्रेसले दुःख व्यक्त गरेको छ।
विकट क्षेत्रमा फैलिएको फ्लु नियन्त्रण नहुनुको कारण र सो फ्लुबाट प्रभावित व्यक्तिहरुको समयमै उचित उपचार नहुँदा हुम्लावासीहरुले ज्यान गुमाउन परिरहेको अवस्थालाई मध्यनजर गर्दै पर्याप्त औषधि तथा स्वास्थ्यकर्मी परिचालन गर्नका लागि सरकार र सम्बन्धित सबै पक्षको कांग्रेसले ध्यानाकर्षण गराएको छ।
मौसमी फ्लुको प्रकोप नियन्त्रणका साथै प्रभावित व्यक्तिहरुको उपचारका लाागि विशेष व्यवस्था गर्न नेपाली कांग्रेस संसदीय दल संघीय सरकार, प्रदेश सरकार तथा स्थानीय तहसँग अपिल गरेको छ।