भारतको दिल्लीस्थित जामिया मिलिया इस्लामिया विश्वविद्यालय अगाडि भइरहेको प्रदर्शनमा एक युवाले गोली प्रहार गरेका छन्।
बिहिबार दिउँसो नागरिकता संशोधन कानूनविरुद्ध भइरहेको प्रदर्शनमा ती युवाले पेस्तोल चलाउँदा एक विद्यार्थी घाइते भएका छन्।
गोली चलाउने युवालाई प्रहरीले नियन्त्रणमा लिएको छ।
घटनाको भिडियोमा प्रहरी सँगसँगै हिंडेका ती युवाले हातमा पेस्तोल लहराउँदै ‘यह लो आजादी (यही हो तिम्रो स्वतन्त्रता)’ भन्दै गोली चलाएको देखिन्छ।
यसबारे अनुसन्धान भइरहेको दिल्ली प्रहरीले जनाएको छ।