जागे युवा, ब्युँझिए बाजा (भिडियो रिपोर्ट)

काठमाडौं- उपत्यकामा बसोबास गर्ने नेवार समुदाय सामूहिकतामा विश्वास गर्छ। आफ्नै मौलिक रितिरिवाज, भाषा, लिपि, भेषभूषा र समृद्ध संस्कृति नेवार समुदायका विशेषता हुन्।

खाना, हस्तकला, गीतसंगीत र नृत्यमा पनि समृद्ध नेवारी संस्कृतिमा ऋतु अनुसारका बाजा हुन्छन्।

तर, राजधानी उपत्यकाको योे समुदायको संस्कृति आधुनिकताको चपेटामा पर्दा एक दशकअघि परम्परागत बाजा बजाउने व्यक्तिहरु पाउन मुश्किल हुन थालेको थियो।

अहिले संस्कृति संरक्षणमा युवाहरुको रुची बढ्दै गएको छ। योसँगै परम्परागत बाजाहरु फेरि ब्युँझिएका छन्। युवा–युवती आफ्ना बाजागाजा र संस्कृति संरक्षणमा जुटेका देखेर ज्येष्ठ गुरुहरु पनि खुसी छन्।