एजेन्सी- चीनमा कोरोना भाइरसको कहर जारी छ। चीनका सबै प्रान्तमा कोरोना संक्रमण फैलिइसकेको पुष्टिसमेत भइसकेको छ।
कोरोना भाइरसको संक्रमणबाट अहिलेसम्म १३० जनाको मृत्यु भइसकेको छ भने ७ हजार बढी मानिस बिरामी छन्।
तीब्ररुपमा फैलिइरहेको कोरोना भाइरसको संक्रमणबाट जोगिन त्यहाँका मानिसहरुले विभिन्न उपायहरु अपनाएका छन्।
स्वास्थ्यकर्मीहरुले सुरक्षित मास्क लगाएर मात्रै यात्रा गर्न आग्रह गर्दै आएका छन्।
यो बीचमा त्यहाँका केही रेल स्टेशन तथा विमानस्थलहरुमा भने मानिसहरुले प्लास्टिकका बट्टा तथा थैलाहरु प्रयोग गरेर हिँडेका तस्बिरहरु सामाजिक सञ्जालमा सार्वजनिक भएका छन्।
बाध्यतावश नै उनीहरुले प्लास्टिकका सामानहरु प्रयोग गरेर हिँड्नुपरेको भए पनि ती तस्बिरहरु भने रोचक देखिन्छन्।