ललितपुर– पूर्वमन्त्री थममाया थापाका पीए दम्पतीको निसासिएर ज्यान गएको छ।
महिला, बालबालिका तथा ज्येष्ठ नागरिक मन्त्रालयकी पूर्वमन्त्री थापाका पीए दम्पती हस्त गर्वुजामगर र नेत्रकुमारी गर्वुजाको ललितपुरको तिखेदेवलस्थित क्लबमा साउनामा निस्सासिएर ज्यान गएको प्रहरीले जनाएको छ।
घटनाबारे अनुसन्धान भइरहेको महानगरीय प्रहरी परिसरले जनाएको छ। प्रहरीका अनुसार अक्सिजन कमीले निस्सासिएर ज्यान गएको प्रारम्भिक अनुसन्धानबाट खुलेको छ।
उनीहरूको शव पोष्टमार्टमका लागि पाटन अस्पतालमा राखिएको प्रहरीले जनाएको छ।