एजेन्सी- कोपा इटालिया अन्तर्गत गएराति सम्पन्न खेलमा एसी मिलानले टोरिनोलाई ४–२ को गोलअन्तरले हराएको छ।
मिलानको घरेलु मैदान सान सिरोमा सम्पन्न खेलमा पाउना टोलीले हारको सामना गरेको हो। यो जितसँगै मिलान कोपा इटालियोको सेमी फाइनलमा प्रवेश गरेको छ।
खेलको निर्धारित ९० मिनेटसम्म दुवै टोलीको समान २ गोल भएकाले नतिजाका लागि ३० मिनेट सयम थप गरिएको थियो। थप समयमा मिलानले दुई गोल थपेर जित सुनिश्चित गर्यो।
मिलानका लागि जियाकोमो बोनाभेन्तुना, इब्राहिमोविकले १–१ गोल गरे भने हकान काल्हागोउले दुई गोल गरे।
टोरिनोका लागि ग्लिसियोन ब्रेमरले दुई गोल गरेका थिए। सेमी फाइनलमा मिलानले युभेन्टससँग खेल्नुपर्ने हुन्छ।
त्यस्तै, अर्कोतर्फ नेपोली सेमीफाइनल प्रवेश गरिसकेको छ। नेपोलीले इन्टरमिलान र फियारेन्टिनाको विजयी टोलीसँग खेल्नुपर्ने छ।
सेमीफाइनलको पहिलो लेगको खेल फेब्रुअरी २ बाट सुरु हुनेछन्।